96

سعودی عرب میں فٹبال میچ کے دوران ریفری نے نئی تاریخ رقم کردی ایسا کام کردیا کہ۔۔

ریاض: عالمی شہرت یافتہ برطانوی ریفری مارک کلیٹن برگ نے اذان کے احترام میں میچ روک کرمسلمانوں کے دل جیت لیے۔
تفصیلات کے مطابق سعودی عرب میں جاری سعودی کنگ فٹبال کپ کے میچ کے دوران غیرمسلم ریفری مارک کلیٹن برگ نے اذان کے احترام میں وسل بجا کر میچ روک دیا۔

کنگ سلمان بن عبدالعزیزاسٹیڈیم میں الفتح اور الفیح کی ٹیموں کے درمیان میچ ایک ایک گول سے برابر تھا کہ دونوں ٹیموں کو پانچ منٹ کا اضافی وقت دیا گیا اس دوران جیسے ہی اذان کی صدا بلند ہوئی تو ریفری نے اذان کا احترام کرتے ہوئے میچ روک دیا۔

اسٹیڈیم میں موجود شائقین نے مذہبی احترام کے اس اقدام پرریفری کو خراج تحسین پیش کیا جبکہ سعودی حکام نے بھی ریفری کے اس غیرمعمولی اقدام کی تعریف کی۔

واضح رہے کہ کنگ سلمان بن عبدالعزیزاسٹیڈیم میں کھیلے گئے فٹبال میچ میں الفتح اور الفیح کی ٹیموں کے درمیان مقابلہ ایک ایک گول سے برابر رہا۔

اس خبر پر اپنی رائے کا اظہار کریں

اپنا تبصرہ بھیجیں